Feed items
Þjóð mannréttinda?
tidarandinn - 9. February 2012 - 0:12
Ef við tökum ekki þátt í Eurovision og yrðum í framhaldinu samkvæm okkur sjálfum myndum við innan tíðar keppa ein hér heima hvort er í söng eða íþróttum. Hvernig væri að Páll Óskar og aðrir slíkir beittu sér frekar fyrir því að Íslendingar og íslensk stjórnvöld töluðu fyrir mannréttindum heima og erlendis og færu eftir því sem mannréttindasamtök ráðleggja. Í þessum efnum ná þjóðir árangri og ávinna sér virðingu með alvöru mannréttindastarfi ekki með upphlaupum sem enginn tæki eftir í þokkabót eða virti vegna þess að þau kæmu frá fólki sem hefur ekki áunnið sér neina mannréttindavirðingu.
Valkostur fyrir Sjálfstæðismenn!
tidarandinn - 6. February 2012 - 15:18
Lilja Mósesdóttir er að vísu undanútandsérhlaupari en það var nokkuð ljóst frá upphafi að hún passaði ekki inn í pólitíska mynstrið. Það má hins vegar ekki taka frá henni að hún hefur beitt sér fyrir réttlætismálum svo eftir hefur verið tekið og verður gaman að sjá hvað hún hefur fram að færa á morgun. Framboð hennar ætti ekki síst að vera valkostur fyrir gamla kjósendur Sjálfstæðisflokksins sem vilja gera upp hrunið, Eitthvað verða þeir að geta kosið og Lilja réttlætisins er auðvitað prýðilegur valkostur fyrir þá.
Vanhugsuð viðbrögð við siðleysi!
tidarandinn - 2. February 2012 - 22:35
Framtak ja.is að útbúa, auglýsa og selja blað til að líma yfir mann er hörmulega siðlaust, groddalegt og heimskulegt. Fáránlegt hjá fjölmiðlum að snúa sér til almannatengslamanna og markaðsfræðinga um viðbrögð. Er markaðsvænleiki orðinn mælikvarði á siðlegt gildi hluta?
Evrópa hætt að loga!
tidarandinn - 2. February 2012 - 9:58
Síðastliðinn mánuð hefur Evrópa skíðlogað, óeirðir á götum úti, esb að splundrast, evran að hrynja, Merkel að taka völdin. Já, ég keypti moggann í mánuð. Nú er ég hættur því og landið er að rísa. Allar þjóðir innan Esb telja sig betur staddar innan en utan bandalagsins, evran með stöðugustu gjaldmiðlum heims. Evrópuríkin flest í góðum gír og vinna faglega úr sínum málum. Stjórnmálamenn sem þrífast á makríldeilum eru menn gærdagsins. Sameginlegir hagsmunir guðspjall dagsins.
Ríkisstjórn hristir af sér hrakspár!
tidarandinn - 1. February 2012 - 17:17
Ríkisstjórnin á víst afmæli í dag. Hún er um margt merkileg. Hún
tekur við versta búi Íslandssögunnar. Hún hefur mátt búa við ósvífnasta umtal allra tíma. Hún er með fleirri útundansérhlaupara en nokkur önnur ríkisstjórn. Hún kaupir sér ekki vinsældir með ábyrgðarleysi. Hún er að meirihluta til skipuð konum. Forsætisráðherran er kona og það er í fyrsta skipti hér á landi. Og það sem merilegast er: Ríkisstjórnin er að hrista af sér allar hraksspár og er að ná mjög góðum árangri. Er að standa sig mjög vel.
Tekið undir með Lilju!
tidarandinn - 30. janúar 2012 - 9:34
Það er rétt hjá Lilju Mósesdóttur. Það er sanngirnishalli í Þjóðfélaginu. Réttlætinu er áfátt. Þeir sem sem áttu sitt í íbúðarhúsnæði sínu voru rændir í hruninu (eins og svo margir aðrir). Mikilvægt skref til réttlætis er að öll lán með veði í íbúðarhúsnæði verði skrúfuð niður um 15-20%. Rök þeirra sem þetta mæla eru sanngirnisrök. Þessi aðgerð þarf ekki síst að ná til þeirra sem fjárfestu af skynsemi í eigin íbúðarhúsnæði og hafa staðið í skilum. Og ræningjana þarf að elta uppi og gera þá að betri mönnum. Það á ekki að líða það að þeir flækist um á lúxsusbílum og búi í glæsivillum. Það er hins vegar gott í öllu fólki. Þeir gætu orðið góðir bakarar og slökkviliðsmenn (með fullri virðingu fyrir þeim stéttum) svo vísað sé í Kardimommubæinn.
Hálfguðinn Ólafur- þorir enginn í hann?
tidarandinn - 28. janúar 2012 - 17:37
Hvernig víkur því við að engin sæmilega hæf manneskja stígur fram í sviðsljósið, lýsir því yfir með þeim hætti að eftir verði tekið að hún ætli að verða forseti Íslands. Núverandi forseti hafi beðist undan því að vera áfram, hafi skilað eftirminnilegri forsetatíð og nú sé kominn tími fyrir nýja hugsun, nýja nálgun, nýja manneskju. Í staðinn högum við okkur eins og Ólafur sé hálfguð en ekki bara klár persóna og þeir sem í íslensku samélagi hafa gerst málaliðar fjarstöðu við heiminn, málsvarar krónunnar, tollamúra og hrunsafneitarar hafa í hópum farið niður á hnén og grátbeðið guðinn að vera áfram og fara þar samhnjáa gamlir framsóknarjálkar, sanntrúaðir frjálshyggjumenn, með þann fyndnasta í fararbroddi og forystumenn sósíalista í landinu bláa upp úr miðjum síðasta áratug.
Getur verið að andverðleikasamfélagið hafi ekki framleitt í bunkum hæfileikaríkt fólk uppfullt af verðskuldugu sjálfstrausti sem gæti augljóslega tekið við eða hefur samfélagið tjaldað yfir slïkt fôlk og lyft upp á stökkpallana hæfilega getumiklu og þar með hættulitlu fólki?
Meinfýsi, illgirni og hatur vaknar upp!
tidarandinn - 26. janúar 2012 - 11:37
Það er furðulegt þetta hatur, meinfýsi og illgirni sem vaknar upp í mönnum slysist maður til að mæla ESB bót. Þessi umræða framkallar það versta í fólki sama hvort um er að ræða svokallaða háttsetta stjórnmálamenn eða illa skrifandi unglinga. Þetta er furðulegt í ljósi þess að hver einasta þjóð sem þar hefur inn gengið telur hag sínum betur borgið en ella enda er ESB fyrst og fremst bandalag utanum frjáls viðskipti en hefur einnig einbeitt sér að málum sem þjóðríkin hafa áhuga á í orði en síður á borði eins og mannréttindum (FRA) og réttindum neytenda. Nú er svo að leiðirnar eru aðeins tvær sem hinn raunverulegi samtími bíður upp á. Að vera innan bandalagsins með réttindum og skyldum sem því fylgja eða standa utan þess og beygja sig að samþykktum þess en vera áhrifalaus um þær. Þriðja leiðin er að vísu til að gefa lítið fyrir umhverfi sitt og fara ekki að leikreglum sem þar ríkja en við ættum að líta í eigin barm og skoða hvort við viljum eyða lífi okkar og barna okkar í slíkan barning og þá afhverju?
Íslenskir heilar eflast í ESB þátttöku!
tidarandinn - 25. janúar 2012 - 21:26
Vegna samskipta við útlönd hafa framfarir orðið á Íslandi. Þangað sækja menn menntun, reynslu, yfirsýn, læra vinnubrögð. Helstu nútímaleiðir eru háskólanám, tímabundnar atvinnuferðir og ferðir á ráðstefnur, þátttaka í nefndum og ráðum einkum í stjórnsýslu og vísindum. Þúsundir Íslendinga öðlast nýja reynslu, ný sjónarhorn og kannski fyrst og síðast fá tímabundið nauðsynlega fjarlægð á land sitt og þjóð, kynnast fólki, mynda sambönd. Þáttaka í viðfangsefnum á vettvangi EES og ESB er kærkomin viðbót fyrir bæði einstaklinga og þjóð.
Sagt hafa mêr Eistar að ekki sé sístur ávinningur þjóðar þeirrar af þátttöku í ESB hversu duglegir Þeir hafa verið að taka þátt í starfi ESB, bæði í nefndum og því að sækja um auglýst störf. Þarna hafa opnast miklir möguleikar fyrir einstaklinga og skilar sér inn í þjóðfélag Eista með margvíslegum hætti. Það sama gildir um erlenda samvinnu Íslendinga á vettvangi ESB og annarsstaðar. Að tala hana niður sæmir ekki.
Andskotans rugl er þetta!
tidarandinn - 23. janúar 2012 - 20:05
Ekki hverfur óbragðið yfir afskiptum Alþingis af máli sem er komið fyrir dómstól. Því meira sem ég hugsa málið því betri finnst mér lagadómgreind Bjarna heitins Benediktssonar, Ólafs heitins Jóhannessonar og Gunnars heitins Schram og eftir því verri dómgreindin Róberts Spanó og þeirra Alþingismanna sem halda því blákalt fram að Alþingi geti sótt mál til Landsdóms ef því sýnist svo.
Setjum sem svo að Alþingi afgreiði mál til Landsdóms. Landsdómur tekur málið fyrir og ákveður að kalla í vitnastúku hóp Alþingismanna. I staðinn fyrir að bera vitni gætu tilvonandi vitni tekið málið úr höndum dómaranna í þeim tilgangi að fella það niður. Það ættu allir að sjá, líka Róbert Spanó, hvað það væri arfavitlaust.
Setjum sem svo að hinir ákærðu væru líka Alþingismenn yrðu Alþingismenn aftur. Ekki þyrftu þeir að hafa áhyggjur. Samkvæmt lagaskilningi Spanó og meirihluta Alþingis tækju þeir málið einfaldlega úr höndum dómaranna.
Næst færum við þetta yfir á önnur mál til að jafnræðis sé gætt. Í kvöld stel ég brauði án áhættu. Eftir að mál mitt hefur verið dómtekið tek ég það einfaldlega úr höndum dómarans.
Andskotans rugl er þetta.