Feed items

Adjö

tidarandinn - 8. desember 2011 - 0:37

Grímur segir bless. Eyjan og ég höfum ekki átt margt sameiginlegt um nokkuð langt skeið en ákváðum að tóra saman – ekki þó fyrir börnin. En nú er komið alveg nóg.

Hittast núna í Laugardalshöll og hlæja af bröndurum ástælasta leiðtoga þjóðarinnar á 20. og 21. öldinni. Já, er ekki bara hressandi að hlæja svolítið – sérstaklega þegar afrek hins ástsæla eru rifjuð upp? Förum yfir það skemmtilegasta:

1. Íslenska efnahagsundrið er frábær skemmtun. Sérstaklega fyrir okkur sem sitja uppi með það. Fyndið…

2. Samson og S-Hópurinn. Ríkisbankarnir afhentir þeim án útborgunar. Tók þá 4 ár að setja þjóðina á hausinn. Sprenghlægilegt…

3. Kárahnjúkavirkjun. Ríkisábyrgð á framkvæmd sem skilar lágmarksarði. Alcoa skálar út um allan heim. Hressandi…

4. Seðlabankinn og ástarbréfin. Gekk svona ljómandi vel – 300 milljarða gjaldþrot og reikningurinn sendur þjóðinni. Ég er hreinlega að deyja úr hlátri…

5. Hádegismóar. Ritsnilld í boði LÍÚ – bíttar engu þó hundruð milljóna tapist á ári hverju. Þjóðin þarf bókmenntir hins ástsæla leiðtoga á hverjum degi. Húrra fyrir pylsugerðarmanninum!

Það er ekki furða að menn hlægi svolítið saman í Laugardalshöllinni!

Wolf og Krugman

tidarandinn - 27. October 2011 - 9:50

Hingað streyma mikilsvirtir hagfræðingar og tala. Þeir koma frá útlöndum og það virðist vera nóg til þess að fjöldi manna trúi öllu sem þeir segja. Tveir þeirra Wolf og Krugman eru hér og troða upp í Hörpu í dag. Þeir dásama báðir krónuna og telja hana hafa bjargað Íslendingum frá voða. Wolf segir t.a.m. um evrudrauminn:

Samfélagið yrði að hafa geysimikinn sveigjanleika til að bera, þegar kreppti að heima fyrir af einhverjum ástæðum gæti eina lausnin verið að lækka launin.

Nú spyr ég eins og fávís þroskaþjálfi: Hvað gerðist þarna haustið 2008? Krónan þetta dásemdar efnahagstæki tapaði rúmlega helmingi af verðgildi sínu. Var einhver að tala um að lækka laun?

Krugmann er ekkert að fela þetta – hann telur að betra sé að fela launalækkunina með því að fella gengi heldur en að burðast með sterkan gjaldmiðil sem myndi gera stjórnvöldum á hverjum tíma að gæta aðhalds og ástunda öguð vinnubrögð við rekstur ríkisins.

Þetta eru merkilegir gæjar. Þeir hafa báðir sagt að þeir þekki ekki aðstæður á Íslandi nægjanlega vel en samt koma þessar krónufullyrðingar. Þeir vita t.d. alveg örugglega ekki að hér býr þjóðin við verðtryggingu o.s.frv.

Mótmæla

tidarandinn - 2. October 2011 - 10:42

Velti því fyrir mér hvort ekki sé kominn tími til að reiður almenningur beini reiði sinni eitthvert annað en að gamla húsinu við Austurvöll? Þar sitja að vísu margir liðónýtir einstaklingar þegar kemur að stjórnmálum og framförum þjóðinni til heilla. Kosningar og útsópun þar er óhjákvæmileg niðurstaða og ekki seinna en strax. En völd þessara einstaklinga eru afar takmörkuð – völdin eru í annarra höndum.

Hinir raunverulegu sakamenn ganga um aðra ganga hvar eggjunum ekki rignir. Íslendingar gætu litið vestur um haf til að leita uppi vettvanginn. Maður þarf ekki einu sinni að mæta – kannski bara að hætta að borga. En það má líka heimsækja höfuðstöðvar strákanna í SA, LÍÚ og kannski eins og þriggja banka – eða hvað?

LÍÚ fékk gjöf

tidarandinn - 1. October 2011 - 12:18

Kvótafrumvarp Jóns Bjarnasonar er líklega besta gjöf sem LÍÚ og varðhundarnir í Hádeginu gátu óskað sér. Það er svo slakt að ólíklegasta fólk og aðilar hafa snúið bökum saman og berjast á móti. Frumvarpið er hins vegar skelfileg frétt fyrir okkur hin sem vildum breytingar á kerfinu hvers afleiðingar blasa við – öllum sem opna augun og skoða.

Niðurstaðan verður óhjákvæmilega þessi: Frumvarpinu verður hent og við blasir óbreytt ástand. Húrra fyrir pyslugerðarmanninum!

Í kyrrþei að ósk hins setta

tidarandinn - 29. September 2011 - 9:25

Þing var sett í kyrrþei að ósk hins setta. Verlandarvinir, ungt fólk í ævintýraleit, stóð heiðursvörð ásamt Hringskonum sem seldu bakkelsi til að fjármagna ræktun Sauðnauta í Hljómskálagarðinum.

Svo skemmtilega vill einmitt til að Sauðnautin eru það eina sem kom út úr 300 klst. löngum umræðum um Stjórnarráð Íslands á 139. löggjafarþingi okkar Íslendinga…