Feed items
Stjórnarráð Íslands verði eitt ráðuneyti
tidarandinn - 9. February 2012 - 22:07
Evrópusambandið lítur vitanlega svo á að 300 þús. eyjaskeggjar í Stór-Evrópu hafi ekkert með mörg ráðuneyti að að gera. Eitt ráðuneyti er kappnóg með forsætisráðherra og fáeina deildarstjóra.
Evrópusambandið ætlar hvort eð er að yfirtaka fjármálaráðuneyti aðildarríkja sinna og allir vita hvað verður um sjávarútveg og landbúnað ef við eltum Samfylkinguna til Brussel.
Þegar búið er að endurskipuleggja stjórnarráðið má alveg eins afleggja kosningar - í Grikklandi og á Ítalíu þvældist lýðræðið ekkert fyrir Evrópusambandinu þegar skipta þurfti um stjórnvöld.
Í Grikklandi er Merkel nasisti
tidarandinn - 9. February 2012 - 15:12
Prestdóttirin Angela Merkel kanslari Þýskalands er sýnd sem nasisti í grískum fjölmiðlum. Þýskir fjölmiðlar vekja athygli á þessum gríska þakklætisvotti fyrir þýskt sparifé sem ríkisstjórnin í Aþenu dundar sér við að brenna á skuldabáli.
Evrópsk samstaða er nákvæmlega þetta: þegar allt er fleytifullt af peningum eru allar þjóðir Evrópusambandsins vinir. Þegar á herðir hugsar hver þjóð um sig og lætur sér fátt um finnast hvernig öðrum farnast.
Ísland er betur komið utan Evrópusambandsins - innan þess værum við eins og krækiber í helvíti.
Össur er laumu-fullveldissinni
tidarandinn - 9. February 2012 - 10:34
Össur meinar ekkert með ESB-umsókninni, það viðurkennir hann í grein í Morgunblaðinu í dag. Utanríkisráðherra segir að alþjóðlega viðurkennd hagfræði eigi ekki við á Íslandi. Nóbelsverðlaunahafinn Paul Krugman segir íslensku krónuna hafa bjargað okkur frá kreppunni eftir hrun.
Bull og vitleysa, segir Össur, og bætir við
Íslenska krónan hefur ekki reynst okkur vel. Það hefði Krugman vitað ef
hann byggi á Íslandi og hefði þekkt betur til íslenskra aðstæðna.
Svona getur aðeins rammasta erkiíhald talað: Ísland er sér á báti þar sem sérstakar aðstæður ríkja er ekki lúta almennum lögmálum.
Með þessari grein er Össur búinn að rústa málflutningi Samfylkingar um að Ísland eigi samleið með 27 Evrópuþjóðum í Evrópusambandinu. Þjóð sem ekkl lýtur almennum lögmálum hagfræðinnar getur ekki tekið upp samræmt evrópskt göngulag í laga- og regluverki - við erum jú séríslensk.
Spurningin er bara hvenær utanríkisráðherra dregur tilbaka aðildarumsókn Íslands.
Stjórnmálaflokkar í leit að kjósendum
tidarandinn - 9. February 2012 - 7:11
Þrír nýir stjórnmálaflokkar skrá sig til leiks þessa dagana. Dótturfélag Samfylkingar með Gumma Steingríms í fararbroddi; Lilja Mósesdóttir og Siggi stormur með C-listann og nú boða búsáhaldarbyltingarfólk Breiðfylkingu.
Misheppnuðu stjórnlagaþingskosningarnar sýndu að það kappnóg af fólk sem er til í framboð, og sumt hvað vel frambærilegt. Aftur á móti er almenningu ekki ginnkeyptur fyrir tilraunastarfsemi í pólitík - um 40 prósent kosningaþátttaka var í stjórnlagaþingskosningunum.
Til að hreyfa við þjóðinni þarf sannfærandi samfélagsgreiningu annars vegar og hins vegar trúverðugar pólitískar lausnir á skilgreindum vanda. Hér er hægara um að tala en í að komast. Þess vegna fara nýju flokkarnir þá leið að sýna fólk úr sem flestum áttum en það segir fátt af nýjum hugmyndum.
Á hinn bóginn er pólitísk tilraunastarfsemi af þessu tagi oft undanfari eldsumbrota á vettvangi stjórnmálanna.
Hverjir auglýsa hjá Jóni Ásgeiri?
tidarandinn - 8. February 2012 - 19:48
Baugsstjórinn fyrrverandi, Jón Ásgeir Jóhannesson, er höfuðsmiður útrásarinnar og skuggastjórnandi eins af þrem stóru hrunbönkunum. Vinurinn er mættur með óflekkaðar hendur að stýra fjölmiðlaveldinu 365 (Fréttablaðið, Stöð 2, Bylgjan) sem hann fékk að halda í skjóli Landsbanka ríkisbanka.
Flaggskipi 365, Fréttablaðinu, er haldið úti með auglýsingum enda engir kaupendur að blaðinu. Í krafti sannfæringar Jóns Ásgeirs um að þjóðin hafi þörf á sjónarmiðum hans er dreift ókeypis á heimili í þéttbýli.
Þeir sem telja höfuðnauðsyn að þjóðin fái að kynnast heimspeki Jóns Ásgeirs kaupa auglýsingar í Fréttalbaðinu. Hverjir auglýsa hjá Jóni Ásgeiri?
Vinstristjórnin sameinist um ESB-fátækt
tidarandinn - 8. February 2012 - 17:21
Aðild Íslands að Evrópusambandinu fæli í sér innflutning á fátækt. Samkvæmt hagstofu ESB er fátækt hvað minnst á Íslandi en 12 prósent Íslendinga er býr við fátækt eða fátæktarmörk á meðna hlutfallið í Evrópusambaindinu er 24 prósent.
Evrópusambandið stefnir að því að jafna lífskjör í Evrópusambandinu sem þýðir að lífskjör á Íslandi verða reiknuð niður í Brussel í evrópskt meðaltal. Ísland mun greiða meira til ESB en það fær í styrki.
Vinstristjórn Jóhönnu Sig. þarf að sameinast um innleiðingu ESB-fátæktar á Íslandi og er það verðugt verkefni.
Skotar hafna evru
tidarandinn - 8. February 2012 - 10:27
Sjálfstæði Skotlands verður ekki byggt á evru, enda væri til lítils að fá fullveldi frá Englandi til þess eins að farga því í Brussel. Allir sem fylgjast með skuldakreppu evru-ríkjanna vita að hún verður aðeins leyst með tvennu móti.
Í fyrsta lagi að búa til Stór-Evrópu með miðstýrðu fjárveitingavaldi og sameiginlegum sköttum. Í öðru lagi að leysa upp evru-samstarfið og taka upp þjóðargjaldmiðla.
Samfylkingin á Íslandi er eina stjórnmálaaflið í Vestur-Evrópu sem sér framtíð í sameiginlegum gjaldmiðli álfunnar.
Hva, kreppan búin án ESB-hjálpar?
tidarandinn - 8. February 2012 - 6:19
Samvkæmt uppskrift Samfylkingar átti ekki að vera hægt að komast úr kreppunni án aðildar að Evrópusambandinu. Innganga í sæluríki ESB var upphafði og endir að endurreisnaráætlun Samfylkingar við síðustu kosningar.
Núna þegar allt er í kalda koli í ESB, þar sem helftin af álfunni býr við efnahagslega og pólitíska uppdráttarsýki, og allt er í blóma á Íslandi, er kannski kominn tími til að Samfylkingin læri af reynslunni.
- Og dragi umsókn Íslands um aðild að Evrópusambandinu tilbaka?
528% vextir í Grikklandi - við þurfum ekki hugleysingja
tidarandinn - 7. February 2012 - 18:33
Vaxtakrafa þeirra sem keyptu grísk skuldabréf til eins árs í dag var 528 prósent, samkvæmt Telegraph. Stjórnmálaafl sem ætlar að gera sig gildandi á Íslandi og vill ,,klára viðræður" við Evrópusambandi þarf að útskýra hvað það er við aðild sem þykir freistandi.
Varla eru það vextirnir sem þykja eftirsóknarverðir. Reynsla smáþjóða í Evrópusambandinu er að vaxtastigið miðast við þarfir Þjóðverja fyrst og fremst.
,,Klára viðræðurnar" er froðusnakk fólks sem þorir ekki að taka afstöðu. Í stjórnmálum er kappnóg af hugleysingjum.
ESB-tilskipun í hættu, segir Árni Þór
tidarandinn - 7. February 2012 - 12:50
Samkvæmt fréttum frá Noregi er ríkisstjórn Jóhönnu Sig. í minnihluta í utanríkismálanefnd alþingis. Árni Þór Sigurðsson þingmaður VG og formaður nefndarinnar segir ekki meirihluta fyrir því að umdeild tilskipun Evrópusambandsins um geymslu tölvugagna verði samþykkt.
Til að tilskipun ESB verði tekin upp í EES-samninginn þarf samhljóða afstöðu þeirra sem eiga aðild að EES. Árni Þór segir í viðtali við norskan fjölmiðil að ekki sé meirihluti fyrir tilskipuninni í utanríkismálanefnd. Árni Þór hefur beðið vin sinn og baráttufélaga í að koma Íslandi í Evrópusambandið, Össur Skarphéðinsson, að biðja um gott veður í Brussel vegna erfiðrar stöðu ríkisstjórnarmeirihlutans.
Merkilegt að Íslendingar þurfi að lesa norska fjölmiðla til að komast að því að ríkisstjórn Jóhönnu Sig. er komin í minnihluta í utanríkismálanefnd.