Sigrún Stefánsdóttir, Sjálfstæðiskona og pólitískt skipaður dagskrárstjóri RÚV, fór þess á leit við Bubba Morthens að hann hætti að tjá sig um stjórnmál í útvarpsþætti sínum eftir að hann lét orð falla um Davíð Oddsson og Hannes Hólmstein Gissurarson. Bjarni Benediktsson, formaður Sjálfstæðisflokksins, hringdi í Hrein Loftsson, eiganda Birtíngs, til að gera kröfu um að Hreinn stöðvaði gagnrýninn fréttaflutning DV um Bjarna. Óðinn Jónsson, fréttastjóri RÚV og Sjálfstæðismaður, fjarlægði frétt um Jórunni Frímannsdóttur, borgarfulltrúa Sjálfstæðisflokksins, þar sem henni þótti hennar bestu hliðar ekki koma fram í fréttinni eins og hún var unnin. Vika í lífi þeirra miðla sem ekki er ritstýrt af fyrrverandi formanni Sjálfstæðisflokksins.

Kaupmannahöfn: Á laugardag hneppti lögregla 968 mótmælendur í „for­varnar­hald“ (e. preventive detention). Af þeim 968 sem var haldið af lög­reglu hafa aðeins 13 verið hand­teknir, og þrír ákærðir.

Deborah Doane, sem er í for­svari fyrir The World Develop­ment Move­ment, for­dæmdi dönsk yfirvöld fyrir að­far­irnar og sagði þær „brjóta full­kom­lega gegn rétt­inum til mót­mæla og vera skref í átt að niður­broti lýð­ræð­isins.“

„Þá myndu hælisleitendur ekki leita hingað eða annað utan Grikklands og semja lygasögu um ævi sína og örlög, eins og flestir þeirra, sem hingað koma, gera.“ Þennan róg ber AMX, fréttavefur öfgahægrimanna, nú út. Hópurinn að baki vefnum hefur lýst yfir stuðningi við þá stefnu Steingríms J. Sigfússonar og Rögnu Árnadóttur í málefnum hælisleitenda, að [...]

Steingrímur J. Sigfússon hefur lýst yfir ótvíræðri afstöðu með brottsendingum hælisleitenda, í tilfellum þeirra þriggja manna sem vísað var frá landinu nýverið, og styður stefnuna þar að baki heilshugar. Hann ber tvennum röksemdum við: Í fyrsta lagi að ef hliðanna er ekki gætt þá myndu fleiri streyma til Íslands en landið ræður við. Í öðru lagi væri það ekki í samræmi við stefnu hinna Norðurlandanna.

Virðist því vera sem Ragna Árnadóttir dómsmálaráðherra starfi ekki í trássi við vilja ríkisstjórnarinnar í þessum málum, heldur vilji vinstristjórnin halda til streitu þeirri stefnu sem mótuð var fyrir hennar tíð, að útlendingum skuli að jafnaði ekki hjálpa.